ઉમરગામ તાલુકાનાં પૂર્વ પટ્ટી પર દારુઠા ખાડી વહે છે.જે પાણીનો અહીંના ગ્રામજનો કપડાં કે ન્હાવા માટે ઉપયોગ કરી રહ્યા છે.અસંખ્યો મુગા પશુઓ ઉનાળામાં નદીનાં પાણીથી તરસ છીપાવે છે. નગવાસની દારૂઠા નદીમાં છેલ્લા બે દિવસથી ભારે દૂર્ગંધ યુક્ત કાળું પાણી નગવાસ પટેલ પાડાથી ઝરોલીનાં હરમોસજીપાડાની ખનકી મારફતે દારૂઠા નદીમાં વહે છે .સંઘ પ્રદેશ સેલવાસનાં નરોલી વિસ્તારમાં આવેલી કેટલીક કંપનીનું દૂષિત પાણી ભૂગર્ભમાં પહોચી ગામમાં બોર અને કુવાના પાણી પ્રદૂષિત કરતા લોકોનાં આરોગ્ય સામે જોખમાય ઉભુ થયું છે. આ અંગે નવાસનાં સરપંચ દિપક વારલીએ સરીગામ જીપીસીબીને લેખિત ફરિયાદ કરતા જીપીસીબીનાં અધિકારીઓએ સ્થળ પર પહોંચી પાણીનાં સેમ્પલ લીધા હતા.અવાર નવાર સંઘ પ્રદેશનાં એકમોનું દૂષિત પાણી દારૂઠામાં ઠલવાતું હોય પાણીની જીવ સૃષ્ટિને માઠી અસર થઇ રહી છે.
